Rěčespytny wotrjad Serbskeho instituta je nowy internetny portal www.hornjoserbsce.de online stajił. Wón ma podobnje kaž delnjoserbska strona dolnoserbski.de zhromadźić wšelake informaciske resursy wo hornjoserbšćinje. Jako prěni modul poskićeja so zjawnosći rěčnokulturne přinoški z rubriki „Rěčny kućik“, kotraž wusyła so wot lěta 2002 w serbskim rozhłosu MDR. Wot nowembra 2004 wozjewjeja so tute přinoški w chronologiskim rjedźe na internetnej stronje MDR. Na nowym portalu hodźa so přinoški nětko po wšelakich kriterijach přepytać: po nadpismach, tematiskich skupinach kaž tež po jednotliwych słowach abo gramatiskich hesłach. Tak namaka wužiwar lóšo wotmołwu na konkretne rěčne prašenje – njech su to wotpowědniki za nowe abo stare němske słowa, informacije wo rěčnych wobrotach, wo pochadźe słowow abo wo prawej gramatiskej formje. Poskitk wudospołnjeja serbsce a němsce podate informacije wo stawiznach rěčneho poradnistwa w hornjoserbšćinje kaž tež wo zaměrje tu wozjewjenych přinoškow. Přinoški same spřistupnjeja so jenož w originalnej hornjoserbskej rěči.

Nimo prěnjeho modula namakaja zajimcy zběrku wotkazow na druhe internetne strony z hornjoserbskimi rěčnymi resursami, nadźěłanymi w Serbskim instituće abo z jeho wobdźělenjom, kaž su to digitalny frazeologiski słownik abo znata strona soblex.de.

Die sprachwissenschaftliche Abteilung des Sorbischen Instituts hat unter www.obersorbisch.de ein neues Internetportal eingerichtet, das Informationsressourcen zur obersorbischen Sprache anbieten soll. Als erstes Modul werden die sprachkulturellen Beiträge veröffentlicht, die seit 2002 im sorbischen Rundfunk des MDR unter der Rubrik „Rěčny kućik“ (deutsch: Sprachecke) ausgestrahlt werden und seit November 2004 chronologisch geordnet auf der Internetseite des MDR nachzulesen sind. Auf dem neuen Portal kann man man die Beiträge nun gezielt nach Überschriften, thematischen Gruppen und Schlagwörtern durchsuchen. So findet man leicht einen passenden Beitrag zu einem konkreten Sprachproblem – sei es eine gute Entsprechung für ein neues deutsches Wort, eine Redewendung oder die richtige grammatische Form. Das Angebot vervollständigen Informationen in deutscher und sorbischer Sprache zur Geschichte der Sprachberatung im Obersorbischen sowie zum Anliegen der hier veröffentlichten Beiträge. Die präsentierten „Sprachecken“-Texte selbst gibt es ausschließlich in obersorbischer Sprache.

Neben dem ersten Modul findet man eine Sammlung von Links auf schon bestehende, im Sorbischen Institut oder mit seiner Beteiligung erarbeitete Sprachressourcen, wie das digitale phraseologische Wörterbuch oder die bekannte Seite soblex.de.

Kontakt:

Dr. Sonja Wölke | sonja.woelke@serbski-institut.de

Dr. Anja Pohontsch | anja.pohontsch@serbski-institut.de

Dalše informacije / Weitere Informationen:

www.hornjoserbsce.de/kuciki, www.obersorbisch.de/kuciki