Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com . Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (17.1.-23.1.2022) wozjewić, pósćelće mi je prošu hač do štwórtka, 13.1., na marcel.brauman@domowina.de . Njerukujemy za zrealizowanje tule naspomnjenych podawkow. Dźiwajće prošu tež na aktualny staw hamtskich postajenjow w zwisku z pandemiju.

srjedu, 12.1., w 9 hodź. 1. wuradźowanje (online) z regionalnymi rěčnicami, referentami a projektowymi sobudźěłaćerjemi Domowiny w lěće 2022, tema mj. dr. lětuši dźěłowy plan; nawod: nowa jednaćelka Judit Šołćina

srjedu, 12.1., w 17 hodź. 1. lětuše posedźenje prezidija třěšneho zwjazka (online), temy mj. dr. přihotowanje zwjazkoweho předsydstwa 28.1. a informacije wo wobkedźbowanju serbskich naležnosćow w zwjazkowej politice a sobudźěle Domowiny w FUEN

štwórtk, 13.1., w 14 hodź. dźěłowa rozmołwa (w Drježdźanach) Domowiny – předsydy Dawida Statnika a jednaćelki Judit Šołćineje – ze sakskej statnej ministerku za kulturu a turizm, Barbaru Klepsch.

Aktualizowanja po potrjebje w běhu tydźenja su přeco móžne.