Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com .

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (28.11.-4.12.2022) wozjewić, pósćelće mi je prošu hač do štwórtka, 24.11., na marcel.brauman@domowina.de . Njerukujemy za zrealizowanje tule naspomnjenych podawkow.

póndźelu, 21.11., w 9 hodź. zazběh do tydźenja – online-wuradźowanje přistajenych Domowiny pod nawodom jednaćelki Judit Šołćineje,

póndźelu, 21.11., w 10.30 wothłosowanje předsydy ze zarjadom

póndźelu, 21.11., w 14 hodź. póndźelniše wothłosowanje serbskich gremijow

wutoru, 22.11., w 10.30 hodź. posedźenje wodźenskeje skupiny 2plus w Budyšinje

wutoru, 22.11., w 17 hodź. posedźenje Serbskeje rady w Sakskej

štwórtk, 24.11., w 10:00 hodź. posedźenje dohladowanskeje přirady Krabatoweho młyna w Čornym Chołmcu

pjatk, 25.11., w 14 hodź. na žurli Serbskeho domu w Budyšinje konferenca „wědu šěrić – Wissen schaffen – wědu šyriś” składnostnje 175 lět Maćicy Serbskeje (hlej přiłohu)

pjatk, 25.11., w 17:30 hodź. zjawne posedźenje Zwjazkoweho předsydstwa Domowiny w Serbskim ludowym ansamblu w Budyšinje / z livestreamom: https://youtu.be/Nza-EqRh-qQ. Do toho wjedźenje za čłonow gremija po Serbskim ludowym ansamblu.

sobotu, 26.11., w 9 hodź. na žurli Serbskeho domu w Budyšinje konferenca „wědu šěrić – Wissen schaffen – wědu šyriś” (II. dźěl) składnostnje 175 lět Maćicy Serbskeje (hlej přiłohu)

Dołhodobny pokiw: Premjera nowych ewangelskich spěwarskich „Zernička” druheho adwenta 2022 w Budyšinje

Njedźelu, 2. adwenta – dnja 4. decembra 2022 w 15.30 hodź. – změja nowe serbske ewangelske spěwarske „Zernička” na Michałskej farje w Budyšinje swoju premjeru. Po kemšach (14.30 hodź. w Michałskej cyrkwi) předstaji so na slědowacej adwentničce zběrka z wjace hač 100 načasnymi kěrlušemi kaž tež z modlitwami za dźěći a młodźinu zjawnosći. Mjez druhim předleži nětko znaty němski kěrluš „Von guten Mächten” wot Dietricha Bonhoeffera prěni raz w hornjoserbskim přełožku. Ilustrowała je „Zerničku” grafikarka a molerka Jutta Mirtschinowa. Podate gitarowe akordy kaž tež přimkowa tabulka zmóžnja lochki instrumentalny přewod kěrlušow.

Prěnje ideje za projekt zběrachu so hižo w oktobru 2018 na serbskim ewangelskim kóncu tydźenja w Hainewaldźe. Na to wutwori so projektowa skupina, kiž zezběranje, přełožowanje a zestajenje kěrlušow přewodźowaše. Kěrluše su wšelakim wobłukam kaž na př. wotběhej dnja abo cyrkwinskemu lětu přirjadowane. Spěchowane bu wudaće wot Załožby za serbski lud, Serbskeho ewangelskeho towarstwa, Serbskeho wosadneho zwjazka, priwatnych darićelow kaž tež wot Ewangelskeje cyrkwje Berlin-Bramborska-Šleska Hornja Łužica (EKBO). Spěwarske „Zernička” su wot spočatka decembra 2022 potom tež w Smolerjec kniharni za 11,90 Euro na předań.

Wšitcy zajimcy su wutrobnje na premjeru “Zernički” 2. adwenta na Michałskej farje přeprošeni!

Kontakt za dalše prašenja: Fararka Jadwiga Malinkowa, Dróha měra 68, 02959 Slepo, Tel. 035773 998244, jadwiga.mahling@gemeinsam.ekbo.de