Jutře wotměje so prěni wólbny forum Domowiny, kotryž zaběra so z prašenjemi Serbow. Zakład za diskusiju tworja nimo wólbnych programow politiskich stron tež wólbne kopolaki Domowiny.

W nalěću je třěšny zwjazk zjawnje namołwjał, zo zběra prašenja na politiske strony (wólbne kopolaki). Politiske strony buchu namołwjene, na tute wotmołwić. Dotal předleža wotmołwy sćěhowacych stron: SPD, CDU, Lěwicy, Swobodnych wolerjow a AfD. Wot 15.08.2024 budu wotmołwy na Domowinskej webstronje přistupne.

Sćěhowace kandidatki a kandidaća so na wólbnych forumach Domowiny wobdźěla:

za wólbny wokrjes Budyšin 53 / srjedu, 07.08.2024, 19 hodź.w Smječkecach, we wjesnym klubje „Při winicy“ (Wjesna dróha 3):

• SPD, Jurij Pětr Bulank
• CDU, Elaine Jentsch
• Zeleni, Matthiasa Höhle zastupuje Marija Untchowa (kandidatka Budyšin 54)
• FDP, Matthias Schniebel
• Lěwica, Ines Enns
• BSW, Ines Biebrach
• AfD, Ralf-Peter Hechtberger

za wólbny wokrjes Budyšin 55 / wutoru, 13.08.2024, 19 hodź. we Wojerecach, w muzeju Konrada Zuseho (Dróha Dietricha Bonhoeffera 1-3):

• Zeleni, Hagen Domaška
• Lěwica, Silvio Lang
• SPD, Kristin Kentsch
• CDU, Frank Hirche
• AfD, Doreen Schwietzer
• FDP, Eddie Friedrich

za wólbny wokrjes Budyšin 56 / srjedu, 14.08.2024 18.30 hodź. w Malešecach, w hosćencu “Wódny muž“ (Hućinjanska dróha 16)

• CDU, Marko Šiman
• Zeleni, Christian Schäfer
• Lěwica, Andrea Kubank
• AfD, Jörg Urban
• BSW, Peter Temme
• Swobodni wolerjo, Mike Hauschild

Moderaciju přewza 7.8. a 13.8. předsyda Domowiny Dawid Statnik a 14.8. čłon předsydstwa młodźinskeho towarstwa Pawk Jakub Wowčer.

Serbske přinoški so simultanje tołmača. Přizjewić so za zarjadowanja njetrjebaće. Wjeselimy so na zajimawe rozmołwy.

Kontakt

Domowina – Zwjazk Łužiskich Serbow z.t.

Božena Šimanec, nowinska rěčnica

Tel. 03591 / 550202 abo nowinarstwo@domowina.de

Pozadk k wólbam do krajneho sejma Sakska

1. septembra 2024 woli so w Swobodnym staće Sakska 8. Sakski krajny sejm na dobu 2024 – 2029. Sakski krajny sejm je legislatiwny organ Swobodneho stata Sakskeje. Wón schwali zakonje za Saksku, dohladuje Sakske statne knježerstwo a wobzamknje sakski etat. Zdobom woli wón wodźacych zastojnikow, na př. ministerskeho prezidenta. Přehlad wólbnych wokrjesow je tu wozjewjeny: Wahlkreissuche | Der Sächsische Landtag (sachsen.de)