pjatk, 13.09.2024 

• molerska dźěłarnička “Via Sorabica HoyWoj – Na slědach Serbow we Wojerecach” (13.-15.9.); zarjadowar: Spěchowanski kruh za serbsku ludowu kulturu z.t.; nawod: Maja Nagelowa; organizacija: projektny management HŁ Domowiny, Rejzka Krügerowa 

• wot 13.-15.09., 19. Bramborski wejsny a žnjowny swěźeń w Hochozy z wulkim serbskim podźělom - Erntefest in Drachhausen | Erntefest-Drachhause (erntefest-drachhausen.de) 

sobotu, 14.09.2024 

• kurs wušiwanja křižerskich seklow w Jakubecowym wustawje w Kulowje (wuknihowany); zarjadowar: Spěchowanski kruh za serbsku ludowu kulturu z.t.; nawod: Maja Nagelowa; organizacija: projektny management HŁ Domowiny, Rejzka Krügerowa 

• 11.00 - 18.00 hodź., kermuša w Hodźiju, sobotu je dźeń towarstwow, Domowina wobdźěli so ze stejišćom w tamnišej sportowni při gmejnje 

njedźelu, 15.09.2024 

• 16.00 hodź., nazymski koncert w “Bjesadźe” w Njebjelčicach z dorostowym chórom a rejowanskej skupinu 1. serbskeje kulturneje brigady

 wutoru, 17.09.2024  

• 10.00 - 15.00 hodź., 3. partnerske zetkanje projekta UNESCO5 w Choćebuzu, wobdźělitaj so: Clemens Škoda a Diana Maticowa 

štwórtk, 19.09.2024 

• wot 19 .- 22.09. wotměje so 68. FUEN kongres w Husumje/Hüsem, wobdźěla so: prezidij Domowiny, jednaćelka Judit Šołćina a Bjarnat Cyž 

• 15.30 hodź., pisany swjedźeń serbskeje rěče w Slepom na farskej zahrodźe, zarjadowanje organizuje so wot rěčnych motiwatorow projekta ZARI (syć za serbsku rěč a regionalnu identitu) dalše informacije poda rěčna motiwatorka projekta ZARI Juliana Kaulfürstowa https://zari-domowina.de/hs/zarjadowanje 

 pjatk, 20.09.2024 

• wot 20. -22.09. wotměje so hłowna zhromadźizna CIOFF-Němska, městnosć: SLA Budyšin, wobdźělitaj so: Pětr Brězan a Clemens Škoda (+ SLA, rejowanskej skupinje Smjerdźacy a Slepo) 

• kurs wušiwanja křižerskich seklow w Jakubecowym wustawje w Kulowje (wuknihowany); zarjadowar: Spěchowanski kruh za serbsku ludowu kulturu z.t.; nawod: Maja Nagelowa; organizacija: projektny management HŁ Domowiny, Rejzka Krügerowa 

sobotu, 21.09.2024 

• 15.00 hodź., wuchodźowanje po Tuchorju w Budyšinje, Trudla Malinkowa a Jurij Łušćanski porěčitaj při zhromadnym wuchodźowanju wo serbskich wosobinach, kiž su na pohrjebnišću wosrjedź města posledni wotpočink namakali; zetkanišćo: zachod při Tuchorskej cyrkwi na Lubijskej dróze 

• swjedźeń kulturow w Budyšinje na Žitnych wikach, w 15.45 hodź. wustupi rejowanska skupina “Łužičanka”, na naprašowanja wotmołwi: regionalna rěčnica Katja Liznarjec 

  njedźelu, 22.09.2024 

• wólby do 8. Braniborskeho krajneho sejma