Wužadanja a šansy změny strukturow we Łužicy běchu temy dźensnišeje fachoweje ekskursije towarstwa za nałožowanu geografiju w Münsteru do Budyskeho Serbskeho domu. Etnologa dr. Fabian Jacobs ze Serbskeho instituta (wotrjad za regionalne wuwiće a škit mjeńšinow) je zhromadnje z Pětrom Brězanom, Domowinskim referentom za hospodarstwo a infrastrukturelne naležnosće wšelake UNESCO-iniciatiwy a projekty serbskeho kulturneho turizma w regionje předstajił. W towarstwje za nałožowanu geografiju angažuja so geografki a geografojo, architektki a architekća we wobłukach regionalne wuwiće, měšćanske planowanje a turistiske poradźowanje. Po přednošku wopytachu mjez druhim tež hišće Serbski muzej.

Foće: Domowina/Božena Šimanec