Wustajeńca Domowiny wo Chróšćan zběžku, kotraž bu na zarjadowanju składnostnje 20. róčnicy póndźelu wječor prěni raz zjawnje prezentowana, dale pućuje. Prěnja stacija budźe wot soboty, 11. požnjenca/septembra, premjery serbskeje hry „Dołhož fenki běža”, hač do 16. winowca/oktobra (poslednje předstajenje) foyer Němsko-serbskeho ludoweho dźiwadła (NSLDź) w Budyšinje. 

Madlenka Šołćic, naměstnica intendanta za serbske dźiwadło a dramaturgowka, k tomu praji: „Ja so wjeselu, zo móže so publikum w přestawce serbskeje hry ze serbskimi zajimawostkami zaběrać.  A wězo je derje, zo tuta wustajeńca pućuje a zo móže runje naše dźiwadło prěnja stacija być.”

Wobraz (w přiłoze): Wustajeńca jako pozadk póndźelnišeho zarjadowanja w Chrósćicach. Foto: Domowina/Marcel Brauman

Dalše informacije:

Němske zjimanje wustajeńcy, z kotrehož so wurězki jako přidawk za němski publikum tworja: https://domowina.blog/2021/09/07/der-crostwitzer-schulaufstand-2001-ein-ruckblick-2021/

W přiłoze manuskriptaj narěče dr. Jany Markoweje, zastupjerki angažowanych staršich zběžka, a Jana Nuka, něhdyšeho předsydy Domowiny, na spominanskim zarjadowanju 6.9.2021.