Z wuradźowanja prezidija DOMOWINY
Přihot přichodneho posedźenja Zwjazkoweho předsydstwa Domowiny steješe w srjedźišću posedźenja prezidija Domowiny dnja 30.08.2017 we Wojerecach. Pod nawodom předsydy Domowiny Dawida Statnika zaběrachu so čłonojo gremija mjez druhim z namjetom wutworjenja fachowych wuběrkow Zwjazkoweho předsydstwa Domowiny. Tute maja so z čłonow gremija třěšneho zwjazka a dalšich fachowcow zestajić. Rozsud wo zestawje twori zwjazkowe předsydstwo.Dalši tema posedźenja bě staw přihotow podijoweju diskusijow z kandidatami za wólby do zwjazkoweho sejma. Dnja 07.09.2017 w 18:30 hodź. přewjedźe zhromadnje ze Serbskimi Nowinami podijowa diskusija w Budyskim Serbskim domje.11.09.2017 w 19:00 hodź. přewjedźe so podijowa diskusija w Choćebuskim Serbskim domje. Zajimcy su na wobě zarjadowani wutrobnje witani. Za naslědne wólby do Serbskeje rady Sakskeje namjetowachu čłonojo prezidija Marka Klimana. Kliman je wjesnjanosta gmejny Chrósćicy a čłon Zwjazkoweho předsydstwa Domowiny. Tohorunja namjetowany bu Kliman přez Sakski zwjazk městow a wsow. Wólnu namołwu wozjewješe prezident krajneho sejma na zakładźe złoženje hamta jednoho čłona Serbskeje rady. Přichodne posedźenje Zwjazkoweho předsydstwa Domowiny wotměje so 15.09.2017 w Chrósćicach, přichodne regularne posedźenje prezidija budźe 25.10.2017 we Wojerecach.
Comments and Responses
Božena Šimanec/Schiemann
nowinska rěčnica/
casnikarska powědaŕka/
Pressesprecherin
Domowina z. t./
Domowina – Bund Lausitzer Sorben e. V.
tel.: 03591 / 550 202
Be the First to Comment