Dnja 08.12.2022 jo se wucesćił znaty serbski pěsnjaŕ a poet Bernd Pittkunings z bramborskim krajnym mytom Mine Witkojc. Na zarědowanju pśibytne jo było wjele zastupnicow a zastupnikow serbskich towaristwow, gremijow a institucijow, mjazy nimi teke pśedsedaŕ Domowiny Dawid Statnik, župan Dolneje Łužyce dr. Pětš Šurman a jadnaŕka Domowiny Judit Šołćina. Statnik pó zarědowanju: „W mjenje Domowiny gratulěrujomy Berndoju Pittkuningsoju wutšobnje k mytowanju. Taku cesć jo sebje napšawdu zasłužył. Bernd Pittkunings ma wutšobnu wašnju, z kótarejuž zamóžo za serbsku rěc zagóriś. W běgu swójogo žywjenja pak njejo jano muzicěrował, jo był mjazy drugim teke zastupnik Dolneje Łužyce w Zwězkowem pśedsedaŕstwje Domowiny. Njezapomnita jo jogo šibała wašnja. Ze žortom pokazujo na wěrnosći a zamóžo w swójich programach rěc pśesegajucych a zwězujucych luźi zaguslowaś. Pśi tom pak teke pokazujo na palece serbske temy a je jasnje pomjenijo. To pak pśecej na pśijaśelnu a pówabniwu wašnju. Žycymy jomu dalej wjele wuspěcha a až njaso teke jogo źěło dalej płody.“

Domowina gratuliert Bernd Pittkunings

Am 08.12.2022 wurde der bekannte sorbische/wendische Liedermacher und Poet Bernd Pittkunings mit dem brandenburgischen Landespreis Mina Witkojc geehrt. Zur Veranstaltung anwesend waren viele Vertreterinnen und Vertreter sorbischer Vereine, Gremien und Institutionen, darunter auch der Vorsitzende der Domowina Dawid Statnik, der Vorsitzende des Regionalverbandes Dolna Łužyca/ Niederlausitz Dr. Pětš Šurman und die Geschäftsführerin der Domowina Judit Šołćina. Statnik nach der Veranstaltung: “Im Namen der Domowina gratulieren wir Bernd Pittkunings herzlich zur Auszeichnung. Solch eine Ehre gebührt im unbenommen. Mit seiner herzlichen Art vermag er nicht nur das sorbische Publikum für die sorbische Sprache zu begeistern. Neben seiner musikalischen Tätigkeit war er unter anderem auch Vertreter der Dolna Łužyca/Niederlausitz im Bundesvorstand der Domowina. Unvergessen ist seine schelmische Art. Mit Witz und Wortspiel verweist er auf Wahrheiten und vermag in seinen Programmen auf sprachübergreifende und verbindende Art Menschen zu verzaubern. Das aber immer auf freundliche und reizvolle Weise. Wir wünschen ihm weiterhin viel Erfolg und dass auch seine Arbeit weiter Früchte trägt.“