Jedyn měsac do hłowneje zhromadźizny je Domowina 12. meje swój tikotak nowinkow www.domowina.blog zahajiła. Tule so tuchwilu předewšěm předstajenje kandidatow za wólby organow třěšneho zwjazka Łužiskich Serbow wozjewja. Tež delegatna mapa je na tutym městnje hižo wšěm zajimcam online přistupna.

So wě, zo Domowina dale na www.domowina.de a w socialnych syćach Facebook, Twitter a Instagram informuje. Na našej homepage namakaće tež wšě nowinske zdźělenki, kotrež Wam přez rozdźělowak sćelemy. 

Za informacije w zwisku z hłownej zhromadźiznu w interneće hashtag #slepo120621 wužiwamy. So wě, zo so blog tež po lětušej hłownej a wólbnej zhromadźiznje Domowiny jako stajny poskitk dale wjedźe. Tak steja běžnje informacije wo aktualnej dźěławosći bazodemokratiskeje narodneje organizacije wšěm bjezposrědnje k dispoziciji.