DOMOJ: Jednotliwe městna swobodne

Za program “DOMOJ” ­– intensiwny kurs serbšćiny w dźewjeć měsacach – su hišće jednotliwe městna swobodne. Kurs wotměje so wot apryla do decembra 2025 na Krabatowym Nowym wudworju we Wulkich Zdźarach. Wobdźělnicy wuknu w skupinje štyri dny wob tydźeń na městnje a jedyn dźeń wot doma. Wobstatk programa budu nimo toho wulěty, zhromadne wopyty serbskich zarjadowanjow, praktikum w serbskej instituciji a wosobinski serbski projekt kóždeho wobdźělnika. Za čas kursa dóstawaja wobdźělnicy stipendij. Cil programa DOMOJ je, zo bychu ludźo na kóncu programa w serbskej rěči komunikować a swoje rěčne kmanosće samostatnje dale wuwić móhli. Je móžne, so hač do 24. nowembra 2024 požadać. Informacije a požadanski formular namakaće na webstronje www.zari-domowina.de. DOMOJ organizuje ZARI, syć za serbsku rěč a regionalnu identitu, w nošerstwje Domowiny.

-----

Maćićna akademija

Maćica Serbska přeprošuje we wobłuku swojeho akademiskeho rjadu přednoškow na sćěhowacy přednošk z titulom “Alte Genome verbinden große Migrationswelle mit der Ausbreitung der Slawen”. Přednošujeprof. dr. Johannes Krause, direktor Maxa-Planckoweho instituta za ewolucionarnu antropologiju w Lipsku a nawoda wotrjada za archeogenitiku. Přednošk budźe wutoru, 26.11.2024, 19:00 hodź. w Serbskim domje w Budyšinje.

-----

wuběr terminow (18.11.-24.11.2024)

póndźelu, 18.11.2024 

• zeger 18:00 pśedstajenje kandidatkow a kandidatow za wólby Rady za serbske nastupnosći w Bramborskej na Běłej Górje / Byhleguhre w “konsum”, informacije pódajo na napšašowanje Heike Apeltowa 

wałtoru, 19.11.2024

• 19:00 hodź. nazymski koncert “Serbski muski chór Delany”, w Pančicach-Kukowje (awla šule)

srjedu, 20.11.2024 

• zeger 18:00 pśedstajenje kandidatkow a kandidatow za wólby Rady za serbske nastupnosći w Bramborskej w Janšojcach / Jänschwalde w Nimsko-serbskem muzeju, informacije pódajo na napšašowanje Heike Apeltowa 

štwórtk, 21.11.2024

• 17:30 hodź. přijeće Domowiny (njezjawne)