Srjedu, 16.3., chce předsyda Domowiny ze župami a předsydami towarstwow wo tym wuradźować, kak móhli so serbske wulkoprojekty za nowe rěčne rumy w regionach wutworić. Wo tym informowaše Dawid Statnik wčera prezidij třěšneho zwjazka. Hač do 31. měrca maja so po směrnicach Załožby za serbski lud próstwy za lětuše srědki w wobłuku spěchowanskeho programa „Serbska rěč a kultura w změnje strukturow” zapodać. Tule póńdźe najprjedy wo koncepcionelne přihoty, hač do kónca septembra dyrbja skonkretizowane próstwy za 2023 předležeć.

Nowa zastupjerka Domowiny w šulskej konferency Delnjoserbskeho gymnazija w Choćebuzu budźe referentka Julia Kahlowa. Prezidij přihłosuje próstwam župow za župne projekty za lěto 2022 we wysokosći 27.805 eurow za nimale 50 předewzaćow. Dalše projekty so z budgeta „Lěta župow” wotličeja.

Hač do 7. junija ma so wurjadna hłowna zhromadźizna přewjesć, z kotrejž chcedźa loni wobzamknjene wustawki pokiwam hamtskeho sudnistwa prawnisce přiměrić. Mjeztym je sej šěsć župow resp. nadregionalnych towarstwow zwołanje hłowneje zhromadźizny žadało, z tym je trěbny kworum spjelnjeny. Zastupjerjo sobustawskich towarstwow su so w januarje na přewažnje digitalnu „hłownu” z małym delegatnym klučom dojednali, wšako je wo wobsahach hižo lońša hłowna zhromadźizna po dołhej intensiwnej diskusiji z wulkej wjetšinu rozsudźiła.  

Přichodne posedźenje zwjazkoweho předsydstwa so pjatk, 25.3., w Slepom a z digitalnym přistupom wotměje. W srjedźišću dnjoweho porjada budźe mjez druhim rozprawa wo aktualnej situaciji župy „Jan Arnošt Smoler” a Serwisoweho běrowa za serbsku rěč w Sakskej wo dotalnej dźěławosći stać. Nimo toho chce RCW funkcije za přełožowanje w Microsoft-aplikacijach předstajić.

Prezidium Domowiny srědki za lětosne župne projekty pśizwólił

Srjodu, 16.3., co pśedsedaŕ Domowiny ze župami a pśedsedarjami towaristwow wó tom wuraźowaś, kak mógali se serbske wjelike projekty za nowe rěcne rumy w regionach wutwóriś. Wó tom jo informěrował Dawid Statnik cora prezidium kšywowego zwězka. Až do 31. měrca maju se pó směrnicach Załožby za serbski lud pšosby za lětosne srědki w ramiku spěchowańskego programa „Serbska rěc a kultura w změnje strukturow“ zapódaś. How pójźo nejpjerwjej wó koncepcionelne pśigóty, až do kóńca septembra muse konkretizěrowane pšosby za 2023 pśedlažaś.

Nowa zastupnica Domowiny w šulskej konferency Dolnoserbskego gymnazija w Chóśebuzu buźo referentka Julija Kahlowa. Prezidium pśigłosujo pšosbam župow za župne projekty za lěto 2022 we wusokosći 27.805 euro za pśisamem 50 pśedewześow. Dalšne projekty se z budgeta „Lěta župow“ wótlicyju.

Až do 7. junija ma se wurědna głowna zgromaźina pśewjasć, z kótarejuž kśě łoni wobzamknjone wustawki pokazkam amtskego sudnistwa pšawniski pśiměriś. Mjaztym jo sebje šesć župow resp. nadregionalnych towaristwow zwołanje głowneje zgromaźiny pominało, z tym jo trjebny kworum dopołnjony. Zastupniki cłonkojskich towaristwow su se w januarje na pśewažnje digitalnu „głownu“ z małym delegatnym klucom dojadnali, wšako jo južo łońska głowna zgromaźina wopśimjeśowje pó dłujkej intensiwnej diskusiji z wjelikeju wětšynu rozsuźiła.

Pśiduce pósejźenje zwězkowego pśedsedaŕstwa se pětk, 25.3., w Slěpem a z digitalnym pśistupom wótmějo. W srjejźišću dnjownego pórěda buźo mjaz drugim rozpšawa wó aktualnej situaciji župy „Jan Arnošt Smoler ” a Serwisowego běrowa za serbsku rěc w Sakskej wó doněntejšnej źěłabnosći stojaś. Mimo togo co RCW funkcije za pśestajanje w Microsoft-aplikacijach pśedstajiś.