Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (16.01.-22.01.2023) wozjewić, pósćelće je prošu hač do štwórtka, 12.01.2023, na sekretariat@domowina.de. Njerukujemy za zrealizowanje tule naspomnjenych podawkow. 

póndźelu, 09.01., w 9 hodź. zazběh do tydźenja – online-wuradźowanje přistajenych Domowiny pod nawodom jednaćelki Judit Šołćineje 

póndźelu, 09.01., w 10.30 hodź. wothłosowanje předsydy a jednaćelstwa Domowiny 

wutoru, 10.01., w 11.00 hodź. předsyda Domowiny wobdźěli so w swojej funkciji jako předsydy mjeńšinoweje rady na nowolětnym přijeću zwjazkoweho prezidenta a mandźelskeje knj. Büdenbender w hrodźe Bellevue w Berlinje

wutoru, 10.01., we 18.00 hodź. wotewrjenje wustajeńcy „LICHOTA KIWA!“ Serby a mjeńšynowe pšašanje pó 1918 přez prezidentku Braniborskeho krajneho sejma w Podstupimje. Přitomny budźe tež předsyda Domowiny Dawid Statnik

wutoru, 10.01., we 18.00 hodź. podijowa diskusija (digitalne zarjadowanje Sakskeje krajneje centrale za politiske kubłanje) k temje „EU-Ratsvorsitz – Tschechische Republik“, C. Škoda wobdźěli so jako hósć. Hlej pod  Die tschechische EU-Ratspräsidentschaft. Bilanz einer Krisenzeit

wutoru, 10.01., w 19.00 hodź., posedźenje festiwalneho wuběrka w Chrósćicach

srjedu, 11.01., w 15.00 hodź. posedźenje prezidija Domowiny w Budyšinje

srjedu, 11.01., we 18.00 hodź., nowolětnje přijeće Choćebuskeho wyšeho měšćanosty. Mjez druhim wobdźěla so předsyda Domowiny Dawid Statnik, městopředsyda dr. Hartmut Leipner a Kathrin Šwjelina, pśedsedarka Serbskeje rady pśi Bramborskim parlamenśe.  

štwórtk, 12.01., we 8.30 hodź. Dawid Statnik wobdźěli so w swojej funkciji jako předsyda zhromadźizny SLM na medijowej snědani pola statneho ministra Oliwera Schenka w statnej kencliji w Drježdźanach.

štwórtk, 12.01., w 13.00 hodź. rozmołwa pola wyšeho měšćanosty města Budyšin, Karstena Vogta. Ze stron Domowiny wobdźěla so předsyda Dawid Statnik a regionalna rěčnica Katja Liznarjec.

pjatk, 13.01., w 17:30 hodź. wurjadne posedźenje Zwjazkoweho předsydstwa Domowiny w Budyšinje. Mjez druhim wola so sakscy zastupjerjo Serbow do załožboweje rady. Posedźenje je zjawne a přenjese so live: https://youtu.be/fg0WJD3YWuo 

sobotu, 14.01., w 9.00 hodź. hłowna zhromadźizna krajneje staršiskeje rady (Landeselternrat) w Drježdźanach, na njej wobdźěli so K. Suchec-Dźisławkowa