Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com . Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kaldendra (29.11-5.12.2021) wozjewjeć, pósćelće mi je prošu hač do štwórtka, 25.11., na marcel.brauman@domowina.de Njerukujemy za zrealizowanje tule naspomnjenych podawkow. Dźiwajće prošu tež na aktualny staw hamtskich postajenjow w zwisku z pandemiju.

Hišće do toho:

pjatk, 12.11., w 13.30 hodź. we Łužiskej hali we Wojerecach na přeprošenje wyšeho měšćanosty dźěłowa rozmołwa z rektorom a kanclerku fachoweje wysokeje šule Drježdźany (FHD) „zu Möglichkeiten der Einrichtung eines Außencampus der FHD in Hoyerswerda“ – za Domowinu je Pětr Brězan, referent za hospodarske a infrastrukturelne naležnosće, za blidom, wšako dźe wo to, što móhłoj „Serbski kulturny turizm” a třěšny zwjazk w zwisku z rěčnym profilom přinošować.

póndźelu, 15.11., w 9 hodź. online: zazběh do tydźenja – prawidłowna tydźenska wideokonferenca přistajenych Domowiny

wutoru, 16.11., w 9.30 hodź. w Budyskim Serbskim domje rozmołwa předsydy Domowiny ze zapósłanču Lěwicy w zwjazkowym sejmje, Caren Lay – tema mj.dr. rozestajenje wo planowane znowanastajenje pomnika Bismarcka na Čornoboze

wutoru, 16.11., w 14 hodź. na žurli Budyskeho Serbskeho domu zetkanje zastupjerjow Domowiny w šulskich konferencach serbskich šulow kaž tež šulow z serbskorěčnym poskitkom w Sakskej – z referentku Domowiny za kubłanje a spěchowanje dorosta, Katrin Suchec-Dźisławkowej

štwórtk, 18.11., hač do soboty, 20.11, zetkanje dźěłoweje skupiny FUEN „Non-Kin-State” w friziskim Dagebüllu/Doogebelu, jako zastupjer Domowiny so referent za hospodarske a infrastrukturelne naležnosće, Pětr Brězan, wobdźěli. Wón steji Wam za naprašowanja k dispoziciji.

pjatk, 19.11., w 17.30 hodź. Zwjazkowe předsydstwo Domowiny na žurli Serbskeho domu w Budyšinje a online

sobotu, 20.11., schadźowanka w Budyšinje

póndźelu, 22.11., w 9 hodź. online: zazběh do tydźenja – prawidłowna tydźenska wideokonferenca přistajenych Domowiny

wutoru, 23.11., w 19 hodź. w NSLDź,  „Sorbische Selbstbestimmung in Sachsen – Kontroversen und Zukunftsperspektiven”, Veranstaltung der „Sächsischen Landeszentrale für politische Bildung“

https://www.slpb.de/veranstaltungen/details/1973

srjedu, 24.11., w 9.30 hodź. měsačne wuradźowanje zarjadniskeho wjednistwa Domowiny

sobotu, 27.11., schadowanka w Chóśebuzu

Aktualizowanja po potrjebje w běhu tydźenjow su přeco móžne.

Nowinski rěčnik njebudźe w času 17.11.-24.11. docpějomny. Wobroćće so prošu w tutym času z prašenjemi na sekretariat@domowina.de .