Pśigótowanja na pśiducu Europeadu, na europejske mejstaŕstwa autochtonych, narodnych mjeńšynow w kopańcy, su we Łužycy dojśpili połny rozmach. Turněr buźo wót 20. do 28. junija w Korutańskej. Cora, wałtoru, dnja 18. februara, jo se zmakał rozšyrjony pśigótowański wuběrk “Serbske mustwo - Europeada 2020” k swójomu 3. zejźenju w Dešnje pla Chóśebuza. Wó wuslědkach jo informěrował Clemens Škoda, referent kšywowego zwězka Domowina za kulturu a mjazynadone, kótaryž jo ako wjednik delegacije za organizaciju projekta zagronity:„Nejpjerwjej stej rozpšawjałej wobej źěla mustwa z Dolneje a Górneje Łužyce wó doněntajšnych pśigótowanjach, ako na pśikład wulosowanju w Korutańskej, treningowem lěgwje a pśigótowańskem turněrje žeńskecego mustwa, wó treningowem lěgwje muskich a wobźělenju zgromadnego mustwa na brunicowem cupu w Chóśebuzu. Dalej jo na planje stojało konkretne pśigótowanje na tyźeń Europeady a zestajenja delegacije. Až doněnta njejo hyšći konkretny grajny plan zboka zarědowarjow FUEN znaty, což planowanje we chyli tšochu póśěžujo.Pśiduce kšaceni su informacija grajaŕskich towaristwow, jo-lic jo trjeba tek źěłodawarjow a grajarjow samych. Pśi tom su za muskece mustwo wobzamknuli, až se do kóńca februara nominěrujo rozšyrjony kader, wobstojecy z 28 grajarjow. Z togo se w maju 22 za graśe wopšawnjonych grajarjow za Europeadu wubjerjo.”Na žycenje móžo se teke foto wobradowanja k dispoziciji stajiś. Za wótegronjenje na pšašanja stoj Wam Clemens Škoda k dipoziciji: tel.: 03591 /55 02 08; mobil: 0173 / 3 51 54 40, clemens.skoda@domowina.deInternetne strony k Europeaźe 2020: https: //www.europeada.eu/home/de,
https://de.wikipedia.org/wiki/Europeada