Dale a wjac dorosćenych wuknje serbšćinu – to je tež zasłužba docenta za rěčne kursy Mareka Krawca. Wón je hižo dobre lěto docent Rěčneho centruma WITAJ w nošerstwje Domowiny a poskićuje dorosćenym po cyłej Hornjej Łužicy rěčne kursy hornjoserbšćiny. Přichodnu sobotu, 9.7., so „dźeń serbskeje rěče” w Horach a we Wojerecach wotměje, třiceći ludźi z kołow kursistow je přizjewjenych.

Start budźe rano w 9 hodź. pola Patokec w Horach, hdźež steji mjez druhim wjedźenje přez Patokec bróžnju a zelowu zahrodu na programje. Wot připołdnja budu wobdźělnicy w domje Domowiny we Wojerecach, hdźež jich wobjed, mały kurs serbšćiny a serbske krótkofilmy Angele Šusteroweje wočakuja, doniž předstajenje narodneje drasty wšelakich kónčin a zhromadna zabawa dźeń njezakónčitej.

Marek Krawc steji medijam za naprašowanja k dispoziciji: marek.krawc@witaj.domowina.de . Tel.: (03591) 550 404, 0176 / 7256 3263.