Předsydstwo župy „Handrij Zejler” Wojerecy je so na swojim posedźenju srjedu wječor w bróžni domu Domowiny na namjet za klětuše „lěto župow” dojednało. W lěće 1921 buchu w radnej pincy Wojerecy wjacore župy załožene, tohodla měło so oficielne spominanje w starym měsće zahajić a wot tam poćehnje swjedźenski ćah do noweho města. Za centralne swjatočne zarjadowanje Domowiny namjetuje župa Łužisku halu, hdźež so hižo 2012 stoćiny třěšneho zwjazka swjećachu, kaž tež swjedźeń na Łužiskim naměsće wosrjedź noweho města. Wo swojich přinoškach za lěto Zejlerja a Kocora 2022 chce župa nazymu z čłonskimi towarstwami wuradźować, kaž je regionalna rěčnica Sonja Hrjehorjowa namjetowała. Přichodna hłowna a wólbna zhromadźizna župy budźe 5. februara 2021, tón raz w šěršim kruhu. Zo by serbšćina při wšěm jednanska rěč była, chcedźa simultane tołmačenje nałožować. Marcel Brauman, čłon župneho předsydstwa w nadawku gremija Župa „Handrij Zejler“ WojerecyDrježdźanska dróha 1802977 Wojerecytel.: 03571 / 418 028DOMOWINA – Zwjazk Łužiskich Serbow www.domowina.de