Choćebus. Třeće partnerske zetkanje lěta 2024 projekta UNESCO 5 wotmě so dźensa w Serbskim muzeju w Choćebuzu. Wobdźělnicy zhonichu wo wuwiću projekta w minjenych štyrjoch měsacach. Hač zwičnjenje, zhladowanje na bywše zarjadowanja, wjacerěčne kubłanske poskitki abo mjezynarodne spěchowanske myto - w projekće je so wjele stawo.

Na přikład budźe so pakćik „Serbšćina zetka namrěwstwo Łužicy“, wobstejacy z memo-hry, paslenskich łopjenow a 32stronskeho magacina Ludki z wosebitym wudaćom „Namrěwstwo Łužicy special“ w přichodnych tydźenjach na wšitke dalewjedźace šule ze serbskej wučbu přepodać. Nimo toho bu z projektom mjezynarodne spěchowanske myto za wuwiwanje inowatiwnych kubłanskich poskitkow we Łužicy zakótwjene. Z tutymi přidatnymi  srědkami budu so hač do nowembra 2024 pjeć přidatnych naprawow zwoprawdźić. Wjeršk twori dialogowa konferenca ze zarjadnišćemi UNESCO, wučacymi na wysokich šulach a zastupjerjejmi imaterielneho kulturneho herbstwa Łužicy, ze zaměrom dale wjedźace projekty nadźěłać.

Tež lětsa prěni króć přewjedźena kooperacija z wuměłstwowym busom Hornja Łužica a Łužiskim festiwalom klětu pokročuje. Dalše kooperacije mjez jednotliwymi UNESCO 5 - partnerami su planowane. Z Běłowodźanskim škleńčanym muzejom rosće nimo toho zjednoćendtwo namrěwstwa Łužicy wo dalše, za region identitu sposrědkowace, kulturne herbstwo – mjenujcy UNESCO-imaterielne kulturne herbstwo za manuelne zhotowjenje škleńcy.

Mjezybilanca projekta po połdra lěće pokazuje, zo prawidłowna mjezsobna wuměna a do rozdźělnych směrow wothłosowane zhromadne akcije swoju skutkownosć wuwiwaja a dalše zhromadne dźěło pohonjeja.

Informacije wo projekće namakaće pod www.erbe-lausitz.eu