Dnja 12. awgusta w 10 hodź. zeńdźe so na žurli w Budyskim Serbskim domje jury wubědźowanja “Přimaj so gratu! – młodźina.akcija.zabawa”; zdobom budźe tam konstituowace posedźenje serbskeje młodźinskeje přirady.Na tutym dopołdnju předstaja młodostni swoje ideje za projektne předewzaća. Jury, wobstejaca ze serbskich młodostnych, rozsudźi wo tym, štó “te fenki” dóstanje a z tym swój projekt hač do kónc lěta zwoprawdźi.Cyłe předewzaće spěchuja partnerstwa za demokratiju, Swobodny kraj Sakska a přez program Zwjazkoweho ministerstwa za swójby “demokratiju žiwy być”.Zajimcy su na tute zjawne zarjadowanje wutrobnje witani.Dalše informacije poda  Rejzka Krügerowa, kubłanska referentka Domowiny za młodźinu, tel. 03591 550-120, e-mail: t.krueger@sorben.com.