Tule namakaće dnjowy porjad přichodneho zjawneho posedźenja zwjazkoweho předsydstwa (serbsce a němsce). Zajimcy móža pjatk, 19. nowembra 2021, w 17.30 hodź. wuradźowanje přez livestreamm sćěhować, https://www.domowina.de/start/ a https://youtu.be/J1sTBYTUQ54 .

Posedźenje so na žurli Budyskeho Serbskeho domu a digitalnje wotměje. Na městnje płaći rjadowanje 2 G (přistup jeničce šćěpjenym a wuhojenym), nimo toho dyrbi so kóždy tam na koronu testować dać. Zastupjerjo serbskich medijow – za kotrychž samsne regule płaća – móža so hač do jutřišeho (wutory, 16.11.) z wotmołwu na tutu mejlku přizjewić. Dalši zajimcy móža zarjadowanje přez livestream sćěhować a swoje prašenja za TOP  4 „Naprašowanja čłonow Domowiny a hosći k serbskim naležnosćam” zapodać na Marcel.Brauman@domowina.de .

Na dnjowym porjedźe steja mjez druhim informacije wo wulkoprojekće „Forum wědy na Lawskim arealu”, k spěchowanskim směrnicam Załožby za serbski lud nastupajo serbske projekty we wobłuku změny strukturow, stejišćo Domowiny w tutym zwisku, přirjadowanje zamołwitosćow za zwoprawdźenje dźěłowych směrnicow třěšneho zwjazka za tutu wólbnu periodu a wobsadźenje wuběrkow ZP a zahajenje jich dźěławosće.

(Nowinski rěčnik je hišće jutře a potom zaso wot štwórtka, 25.11., docpějomny, naprašowanja w mjezyčasu po móžnosći prošu direktnje na sekretariat@domowina.de)