Přichodne posedźenje zwjazkoweho předsydstwa Domowiny budźe prěnje połdigitalne: Pjatk, 11. decembra, w 17.30 hodź. zetkaja so čłonojo gremija na žurli Serbskeho domu w Budyšinje a digitalnje. Dźesaćo su so za wobdźělenje přez widejo-konferencu rozsudźili.Na dnjowym porjedźe (dokładny wotběh a wšě dypki wuradźowanja hlejće prošu w přiłoze) steja mjez druhim tute temy: Předstajenje wuwićoweje strategije Łužica 2050 a naprašowanja k tomu, naćisk dźěłowych směrnicow Domowiny 2021-2023 z namjetami župow a čłonskich towarstwow/zwjazkow, hospodarski plan za lěto 2021. Dwaj dnjej do toho přepodadźa w Lubinje próstwu wokrjesa Dubja-Błóta wo přiwzaće jako spěchowacy čłon do třěšneho zwjazka Łužiskich Serbow. Wo tym móže zwjazkowe předsydstwo tohorunja na tutym posedźenju rozsudźić.Zajimcy su na posedźenje zwjazkoweho předsydstwa wutrobnje přeprošeni. Pandemije dla je přizjewjenje hač do 10.12. trěbne, prošu pola sekretariat@domowina.de resp. (03591) 550102. Posedźenje so prěni raz tež internetnje wusyła (link budźe pod www.domowina.de/start wozjewjeny). Dalša nowota: Naprašowanja čłonow Domowiny a hosći k serbskim naležnosćam móžeće tón raz tež do toho mejlnje zapodać pola Marcel.Brauman@domowina.de . Wone su potom tema pod dypkom 2 dnjoweho porjada.